شو بتعرف عن الشركة المحدودة Ltd. Şti؟؟🤔🤔🤓

بداية الشركة المحدودة من اكتر انواع الشركات المفضلة و المشغول فيها.. لانو صاحب الشركة او الشريك رح يكون مسؤول عن رأس المال يلي تعهد فيه فقط لا غير.. يعني بحال صدور محكمة حجز او افلاس او او او الشريك رح ينسال عن رأس المال يلي تعهد فيه فقط لاغير .. و لهيك اسمها شركة محدودة

الشركة المحدودة ممكن تتكون من شريك واحد او اكتر.. اكتر شي ممكن يكونو خمسين شريك

بالنسبة لرأس مال الشركة يلي رح يتعهد فيه الشركاء الحد الادنى ل راس المال 10.000 و مافي حد اعلى.. راس المال لازم يندفع خلال سنتين (( لازم يندفع يعني المبلغ مارح يروح ولا رح ينحجز عليه بالبنك 🤓)) المقصود بدفع راس المال بس اثبات انو فعلا في هيك مبلغ وفي هيك رأس مال و الطريقة المعمول فيها حاليا المبلغ بينحط بحساب الشركة بالبنك وبعدا بينسحب او بضل هي بترجع ل الشركة نفسها

الحلو بالشركة المحدودة انو بتعطي شخصية اعتبارية.. هي الشخصية ممكن تشتري بيت عقار سيارة ويتسجلو باسم الشركة.. يعني بالعامية (( لما بتأسس شركة محدودة انت بكون عملت شخص جديد تماما))

الشركة المحدودة بتدفع ضريبة ربح سنوية: 22% من صافي الربح Kurumlar vergisi
هي الضريبة بتنحسب على اربع اقسام : geçici vergi .. يعني كل تلت شهور المحاسب ((يعني نحنا 🤓)) رح يحسب ربح وخسارة الشركة.. ورح تندفع ضريبة 3 شهور وهيك بالمجمل رح يكون انحسبت الضريبة
طبعا لازم يرتفع بيان الkdv الشهري و اذا في فرق بال kdv لازم يندفع بشكل شهري..

بالنسبة ل اغلاق الشركة ممكن يطول من 6 اشهر ل السنة لانو الشركة رح تدخل بمرحلة تصفية.. بعد مرحلة التصفية بتتسكر الشركة
الجدير بالزكر انو تأسيس الشركة إغلاقها تغيير العنوان او او او مكلف نوعا ما لهيك يفضل الدراسة قبل البدأ بأي خطوة..