انخفاض في قيمة الأصل مع مرور الوقت ، بسبب البلى على وجه الخصوص. a reduction in the value of an asset with the passage of time, due in particular to wear and tear.

الاهلاك أو استهلاك الأصول بشكل مبسط هي depreciation انتقاص من قيمة الاصل والهدف منه

الهدف من الإهلاك هو توزيع تكلفة الأصل على قوائم دخل سنين الأصل التقديرية النافعه وذلك لمقابلة إيرادات الفترة بمصروفاتها وأيضاً وفقا لمبدأ الحيطه والحذر .. الكلام دا هتسمعه من كل الاساتذه .. لكن تعال اوريك زاويه تانيه علشان تفهم الموضوع اكتر ..

أفترض إني بدأت نشاطي بشراء أصل ب 100 ألف جنيه وليكن سيارة وأعتبروها راس مالي في بداية تأسيس الشركه بالقيد التالي :　

100 ألف من ح / السيارات
100 ألف الى ح / رأس المال

هدف الإهلاك هنا هو إسترداد ما تم دفعه في أصولي من ارباحي لعدم توزيع رأس المال !!

يعني إيه الكلام دا يا أبو مروان ؟؟

شايف قيد الأصل وراس المال وتعلا نعمل معادلة الميزانية وبفرض السيارة بتهلك على سنتين اي كل سنة إهلاكي هيكون 50 ألف

1) لحظة شراء الأًصل :
100 سيارات = 100 راس مال

2) أول سنة بفرض مفيش أي عملية تمت غير إهلاك الأصل
50 مصروف إهلاك + 100 سيارات = 50 مجمع إهلاك + 100 راس مال

100 سيارات = 50 مجمع إهلاك + 100 راس مال – 50 خسائر مرحلة

3) تاني سنة بفرض مفيش أي عملية تمت غير إهلاك الأصل
50 مصروف إهلاك + 100 سيارات = 100 مجمع إهلاك + 100 راس مال – 50 خسائر مرحلة

100 سيارات = 100 مجمع إهلاك + 100 راس مال – 100 خسائر مرحلة

لو بصيت على المعادلة دي هتلاقي فيه خسائر مرحلة ب 100 ألف وهي عبارة عن إهلاك السيارات لسنتين .. وفي نفس الوقت هتلاقي إن مجمع الإهلاك ب 100 ألف برضوا بتوع السنتين

طيب تخيل معايا إنك لاقيت 150 ألف جنيه في الشارع ( أسرح بخيالك معاايا وإفترض ) هيكون القيد كالتالي :

150 من ح / النقدية
150 الى ح / الإيرادات الأخرى .. وتعالا أعمل معادلتك الجميلة

100 سيارات + 150 نقدية = 100 مجمع إهلاك + 100 راس مال + 150 إيرادات – 100 خسائر مرحلة

في النهاية المعادلة النهائية هتكون بالشكل دا ..

100 سيارات + 150 نقدية = 100 مجمع إهلاك + 100 راس مال + 50 ألف ارباح مرحلة

دلوقتي لو حبيت أوزع أرباح على الشركاء .. هقدر أوزع عليهم كام ؟؟؟ أي واحد عاقل لو شاف المعادلة هيقول أقدر أوزع 50 ألف فقط كأرباح .. ليه ؟؟

لأن الهدف من مصروف الإهلاك هو إسترداد قيمة المبالغ اللي دفعتها في أًصولي من أرباحي وفي نفس الوقت لو حبيت أوزع أرباح على الشركاء أوزع فقط مازاد عن رأس المال ال 50 ألف فقط .. واحد يقولي ياعمرو بس الخزينه فيها 150 ألف .. أقولك كلامك صح .. بس ال 100 ألف دول إسترداد بشكل غير مباشرة لقيمة السيارات وبالتالي مصروف الإهلاك حافظ على رأس المال من التوزيع ..

وبالتالي هتقدر توزع فقط 50 ألف مش 150 ألف .. لان الخسائر المرحلة المتمثلة في صورة مصاريف إهلاك وغيره بتديك مؤشر إنك مهما يجيلك من إيرادات ولا تاخدها في إعتبارك إلا لما تغطي كل خسايرك ولو خسائرك قلبت بأرباح ساعتها وزع أرباح ..

بالتالي لو مختدش في إعتبارك كل خسايرك يبقى مقدار الخسائر أو المصروفات الغير معترف بها في قائمة الدخل تمثل توزيع أرباح وهمية بنفس المقدار الغير معترف به

وطالما حضرتك بتوزع أرباح وهمية يبقى في الحقيقة حضرتك بتوزع راس مالك نفسه

الإعلان